Метадычны кабінет - гэта цэнтр усёй метадычнай работы ўстановы дашкольнай адукацыі. Яму належыць вядучая роля ў аказанні педагогам дапамогі ў арганізацыі адукацыйнага працэсу, забеспячэнні іх бесперапыннага самаразвіцця, абагульненні перадавога педагагічнага вопыту, павышэнні кампетэнтнасці бацькоў у пытаннях выхавання і навучання дзяцей.

Мэта метадычнай работы: высокакваліфікаваны, свабодна думаючы, актыўна дзейны педагог. А ў ідэале - каманда такіх людзей, якія здольныя вырашаць прафесійна і творча пастаўленыя задачы.

Стварэнне эфектыўных умоў для ўсебаковага бесперапыннага развіцця дзяцей, якасці прафесійнага развіцця педагогаў дашкольнай установы, узаемадзеяння з сям'ёй вызначае асноўныя задачы метадычнай работы:

1. Навучанне і развіццё педагагічных кадраў, кіраванне павышэннем іх кваліфікацыі.

2. Выяўленне, вывучэнне, абагульненне і распаўсюджванне перадавога педагагічнага вопыту педагогаў.

3. Падрыхтоўка метадычнага забеспячэння для ажыццяўлення адукацыйнага працэсу.

4. Каардынацыя дзейнасці ўстановы і сям'і ў забеспячэнні ўсебаковага бесперапыннага развіцця выхаванцаў.

5. Каардынацыя дзейнасці ўстановы з установамі навакольнага соцыума для рэалізацыі задач развіцця выхаванцаў у цэлым.

6. Аналіз якасці працы з мэтай стварэння ўмоў для забеспячэння пазітыўных змен у развіцці асобы выхаванцаў праз павышэнне прафесійнай кампетэнтнасці педагогаў.