У адпаведнасці з заканадаўствам[1] работнікам, занятым у шкодных умовах працы або асобнымі відамі прафесійнай дзейнасці, якія да 1 студзеня 2009 г. адпрацавалі менш за палову спецыяльнага стажу[2] альбо зусім не маюць такога стажу да пазначанай даты, даецца права выбару спосабу кампенсацыі за такую працу:

• прадоўжыць фарміраваць права на датэрміновую (дадатковую) прафесійную пенсію шляхам выплаты за яго работадаўцам узносаў на прафесійнае пенсіённае страхаванне ў бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь да дасягнення ім агульнаўстаноўленага пенсіённага ўзросту;
• атрымліваць дадатковы даход у выглядзе штомесячнай даплаты да заработнай платы ў памеры, якi вызначаецца работадаўцам, але не менш за суму ўзносаў на ППС, належных да выплаты ў бюджэт фонду за такога работніка.

Асаблівасці ажыццяўлення штомесячнай даплаты да заработнай платы:

• выбар работнікам даплаты ажыццяўляецца шляхам падачы работадаўцу пісьмовай заявы;
• выплата даплаты праводзіцца работадаўцам да дасягнення работнікам агульнаўстаноўленага пенсіённага ўзросту (пры гэтым работадаўца вызваляецца ад выплаты ўзносаў на прафесійнае пенсіённае страхаванне за такога работніка);
• у мэтах павышэння матэрыяльнага забеспячэння работніка ў старасці, частка атрыманых грашовых сродкаў у выглядзе даплаты да заработнай платы можа быць накіравана ім для ўдзелу ў новым відзе страхавання – добраахвотным страхаванні дадатковай назапашвальнай пенсіі (уведзена з 1 кастрычніка 2022 года)[3]. Хто мае права на штомесячную даплату, работнікі:

занятыя ў асаблівых умовах працы і асобнымі відамі прафесійнай дзейнасці;
якія падлягаюць прафесійнаму пенсіённаму страхаванню і за якіх працадаўцам выплачваюцца ўзносы на прафесійнае пенсіённае страхаванне;
спецыяльны стаж якіх (да 01.01.2009) складае менш за палову патрабаванага стажу для назначэння датэрміновай пенсіі або адсутнічае.
Як атрымаць штомесячную даплату: звярнуцца з заявай да свайго працадаўцы.

Памер штомесячнай даплаты: вызначаецца працадаўцам, але не можа быць менш за суму ўзносаў на прафесійнае пенсійнае страхаванне работніка, належных да выплаты ў бюджэт фонду.

Перыяд выплаты штомесячнай даплаты: да дасягнення застрахаванай асобай агульнаўстаноўленага пенсіённага ўзросту.

У любы час да дасягнення агульнаўстаноўленага пенсіённага ўзросту можна адмовіцца ад даплаты і вярнуцца да выплаты ўзносаў на прафесійнае пенсіённае страхаванне, выказаўшы такое жаданне ў новай пісьмовай заяве работадаўцу.

[1]Указ Прэзідэнта Рэспублікі Беларусь ад 25 верасня 2013 г. № 441 "Аб некаторых пытаннях прафесійнага пенсіённага страхавання і пенсіённага забеспячэння"

[2] У адпаведнасці з артыкуламі 12, 13, 15, 47 - 49, 49-2 Закона Рэспублікі Беларусь ад 17 красавіка 1992 г. № 1596-XII "Аб пенсійным забеспячэнні"

[3] Указ Прэзідэнта Рэспублікі Беларусь ад 27 верасня 2021 г. № 367 "Аб добраахвотным страхаванні дадатковай назапашвальнай пенсіі"

Завадскі раённы аддзел

Мінскага гарадскога ўпраўлення

Фонду сацыяльнай абароны насельніцтва

Міністэрства працы і сацыяльнай

Абароны Рэспублікі Беларусь